Hikayat Uroe Raya

Posted on Updated on

le Mawardi Wadi Ardy

 

Assalamualaikom e tanglông até
Mulia hate saleum lôn buka
Mulia haba ranup lam bate
Keu gura hate syèdara lingka

Krue seumangat sibijèh padé
Ram’e dum kon lé ureueng selingka
Waréh syèdara meusaho pié
Peusaho pike keu idul adha

Nibak uroenyoe uroe ra keureubeun
Kheun ureueng jameun ngon ulama
Adat tradisi sabé geupeutheun
Meubèk rôh jikheun tuwo budaya

Mari syèdara tanyoe meukeurbeun
Harta tapeutheun bak jalan Allah
Tapeusiap keundaraan wahè e buleun
Faedah keurbeun ngon ridha Allah

Keurbeun tajôk hewan nyang jroh
Bèk hewan reuloh atawa cidra
Hewan tamita yang gèt disatoh
Ngat sah ngon jroh keureubeun gata

Masalah keureubeun ta piyôh dilè
Jinoe tacôm bèe keu uroe raya
Meu’ah syedara ulôn meulakè
Meuhubung lôn thè nyoe uroe raya

Mangat boh panah tapi meugeutah
Jikap lé siwah meupurèe teuma
Keurakan teuma lôn lake meu’ah
Kadang pat na salah hate teuh luka

Meumada ‘ohnoe haba lôn rawi
Ayah ngön ummi tuha ngön muda
Ulôn meurunoe mantöng lôn cici
Meubèk neucaci tapi neupuga

Cot Meutiwan, November 2011

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s