Pangkai Tamaté

Posted on

le: Azwardi

roh ka mandang tubôh rab meucré

ka trôh bak akhé tatinggai dônya

meueh ngön pirak tan na guna lé

meusapeue hasé pih hanjeuet taba

beulele ingat keu pangkai maté

jak tapeuasé beukai tagisa

h’an meujan watèe peue awai akhé

nyang teuntèe saré nyawöng geuhila

 

‘oh waté nyawöng jineuk beurangkat

katrôk meusapat sigala hamba

ladôm prèh wasiet ladôm peuintat

nyang that meukarat nyang keuneuk bungka

 

di nyang po jasad that apôapah

hana pat peugah meusikrèk haba

ie han leupah reukueng götthat grah

takôt jireupah ie nyang syètan ba

 

syètan peudaya peugah droe tuhan

jiba bantuan tuka ngön iman

meunyô barokön tan turi tuhan

meugamba tuhan lagè syètan nyan

 

meunyô rôh ta-‘ö syètan nyan tuhan

nyan tanda badan hana meutuah

meunyô taasék bahwa jih tuhan

tanda jasad nyan kubu jih luah

 

meunyô barokön gadôh ngön dônya

mubayang  mata nuraka Allah

meunyô keu Allah pujoe sabé na

kateuntèe teuma syuruga Allah

 

meuh’an meukaleueng bak jalan sukreuet

jadèh meuikôt  jalan bahgia

teukeudi meunyô sapeueteuh hanjeuet

teuntèe mubalôt  jalan cilaka

 

pakoe e akhi tuha ngön muda

piké beusigra makrifatullah

nikmat glah nyawöng watèe tagisa

mangat trôh rasa takalön Allah

 

(Meunasah Papeun, November 2011)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s