Hikayat Jeulamee

Posted on Updated on

[Serambi Indonesia, 11 Maret 2012]
le Mawardi
Assalamualaikôm warahmatullah
Umi ngön ayah ulôn neuk sapa
Hana lôn lupa keu rakan meutuwah
Ulôn peu ék glah saleum keu gata

Deungön bismillah haba lôn ilah
Lôn pujoe Allah nyang po kuasa
Nyang peujeut donya ka deungön kôdrah
Cit sidroe Allah nyang mat kuasaSeulaweut saleum sambong lé leupah
Keu geugaséh Allah nyang that geucinta
Akan Muhammad seulaweut leupah
Lôn peutrôh bagah keu rasul ambia

Nibak uroenyoe ulôn neuk tuléh
Saboh haba gléh karang jan meutum’e
Hikayat jeulam’e judul hai waréh
Ateuh keureutah putéh haba ulôn m’e

Ram’e peumuda jinoe that gundah
Ka apôh apah geuilah daya
Piké harga meuh meuhai sileumpah
Hawa that leupah pinang sidara

Jinoe harga meuh meuh’ai that leupah
Payah geupapah lampôh peugala
Geumita cara nikah beuék glah
Jeulam’e geuolah ulèh keuluarga

Di ateuh sijuta yum goh teuntè pah
Nyang peubloe meuh ceudah hana kureung harga
Pakriban cara beujadèh nikah
Meuhai ngön murah teutap bloe keu dara

Jeulam’e manyam peuteuntè meuhat
Ka saboh adat di Aceh nyata
Adat di Aceh ka dudoe meuhat
Cit ka meuikat lom indatu teuma

Kasep keu ‘ohnoe haba lôn tuléh
Daweut rap abéh uroe ka sinja
Meunyoe na salah meuah lôn waréh
Lôn meureunoe tuléh lôn karang haba

 

Mawardi, mahasiswa FKIP PBSI ’10 Unsyiah

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s