Hikayat Pilkada

Posted on

[sumber:Harian Aceh, 08 April 2012]

le Mawardi

 

Deungön bismillah mulai kalam

Nyang peujeut alam Allah Ta’ala

Pujoe keu Allah uroe ngön malam

Ka deungön  kalam atawa doa

Keu Nabi Muhammad saleum lÔn peu-ék

Seulawet peu-ék nibak rasul mulia

Pujoe Ambia cut bang ngön cut dek

Geu balah hai adek ‘oh dudoe teuma

 

AssalamualaikÔm kaÔm syèdara

Nyang na di banda atawa lam dusÔn

Jinoe trÔh ulÔn keuneuk calitra

Hikayat pilkada kaleuh lÔn susÔn

 

Musem pilkada jinoe trÔh teuka

Rakyat meupesta gamba meujak top

Gamba meujak top watèe pilkada

Bek piléh syedara piléh nyang meubobot

 

Anggota paslon jinoe that sibÔk

Jeut sagoe katrÔk gamba jipasang

Atauh bak mancang gamba pih katrÔk

DusÔn dalam lhÔk muka teupampang

 

Göt that le gamba meumacam ragam

Visi meumacam paslon meujanji

Ladom bre janji Aceh ukeu tentram

Uroe ngön malam peugah bak tivi

 

Rata jalan dum jipasang gamba

Sang that bangga keuneuk jeut pimpinan

Hana jiteupeu nyan mandum piasan donya

Göt that gura meunyoe ka lagèe nyan

 

Röt radio lom jipeugah

Pasti beureukah kalau pilih saya

Padahai droeteuh hana so papah

Meudum ie mirah hana geubÔh saka

 

Röt hikayat nyoe haba peuneugah

Menyoe na salah bèk neupeukröt muka

UlÔn tuannyoe deungoh haba ang’èn gah

Menyoe na salah bek lÔn neumita

 

Watèe pilkada meu-‘en beuadé

Bek na su budé dusÔn ngön banda

‘Oh jeut kepala tanyoe beuadé

Bek jimeupaké rakyat jeulata

 

Meumada ‘ohnoe haba lÔn rawè

Uroe ka akhè ulÔn neuk gisa

Menyoe na watèe laénjan mangat haté

Beuek trÔh sampé hikayat ulÔn ba

 

Cot Meutiwan,   April 2012

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s