HABA PEMILU

Posted on

le Azwar

Deungoe Hai rakan jino lôn peugah
Haba mauizah keu rakan dumna
Kadang pat teunte jeut keu faedah
Atawa surah jeut keu seni saja

Haba kali nyoe keu peureuteé lôn peugah
Pat-pat na salah meu’ah syedara
Seubab lôn eu hateé that sosah
Rameè yang ka salah geutanyoe syedara

Menyoe ta-eu lawetnyoe rakan
Hateé di dalam seudeh lagoina
Lé seubab peureuteé leu yang ka gadoh teuman
Laen dum taulan gadoh syedara

Ngon seubab peureuteé ka rakan dicaci
Seubab hai akhi han dukungan sama
Laen yang ladôm boh tinju dibri
Seubab geusangsi ka dikheun keu gata

Keu yang bri suara lôn peugah bacut
Beu-ék menurut lam hateé gata
Tapiléh peureuteé yang ceudah bacut
Yang na menurut agama kita

Bek lah seubab dijôk bantuan
Lam pemilihan neujôk suara
Tapi pakiban cit waheé eu rakan
Lam peumilihan seutot kheun hate gata

Meunyoe bak ta-eu cit ka leu cara
Dimita suara diawak peureuteé
Dijak u rumoh teubungkôk-bungkôk
Lagee kameng landôk keunong geulawa

Tiep uroe geubi tanyoe harapan
Adak jeut timphan dirom bak muka
Kadang yang laen na geubi bada
Atawa saka keu mameh haba

Di uroe raya dibri ngon sirôp
Kadang cit patôt geubri kemeja
Teuma ditanyoe peu tapeutakot droe
Asai kadipasoe tasikat saja
Geutanyoe rakyat  bek apôh-apah
Piké hadiah yang geubri lé Apa
Tacok laju waheé teungku meutuah
Sira tapeugah han lôn top gata

Menyoe brat tat sue nibak tapeugah
Jeut takeubah lam hateé saja
Yang peunteng teungku top pat yang galak
Bek sampé palak bak akheé masa

Sep keuh ‘oh noe haba lôn peusan
Laen wateè taulan tapeugah haba
Keu mandum geutanyoe beu geubri mudahan
Uleh ya Rahman tuhan dikita

Haba dari Azwar
Di Nanggroe Breueh Sigupai
(Alumni PBSI FKIP Unsyiah)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s