Filsafat Udép Rasulullah

Posted on

oleh Mawardi

[sumber: Atjeh Post, 27 Mei 2012]

Assalamualaikom kaÔm syèdara

KaÔm silingka nyang seuagama

Saleum lÔn sapa tuha ngön muda

Agama ngön dara abu ngön miwa

 

Krue seumangat pujoe rabbana

Nyang peujeut donya nyang po kuasa

Nyang po samudra Allah Ta’ala

Lang’et bumoe-Nya beu-ék tajaga

 

Seulaweut saleum rasul amibia

Muhammad nama nabi mulia

Umat dum geuba dari supÔt buta

U peungeuh teuma dunia nama

 

Nibak kalinyoe ulÔn m’e haba

Kön haba gura könpih seurapa

Filsafat udép rasul ambia

Lam Qur’an nyata surat neubaca

 

Teuma nyang keuphÔn e rakan syèdara

Ureung meuguna keu kaÔm dumna

Meunyoe na eeleume bagi beurata

Peulom na harta bèk foya-foya

 

Jinoe keudua tasambÔng haba

Umu lam donya beutapeuguna

Amai salèh beu takeurija

Bek sia-sia tanyoe binasa

 

Teuma nyang keulhe wahé e apa

Udép lam donya rugoe mubèk na

Uroe nyoe apa haroeh beujaya

Bèk lagèe baroe sa tanna meujasa

 

Udép leubèh göt uroenyoe syèdara

Sabe tajaga maruah bangsa

Umat agama sabé beusama

RukÔn lam keuluarga betapelihara

 

Lam keuluarga tanyoe meuguna

NumbÔi peut teuma wahèe syèdara

Filsafat udép rasul ambia

Ta lanjut teuma keumarang haba

 

Bagah jak taubat jak peugléh dèsya

Keulimöng cara udéh ambia

Dipat na salah atawa cidra

Peu-ubat rijang na ingat Allah Ta’ala

 

 

Galak tameubri tanyoe lam donya

Lagèenyan rupa rasul ambia

Keunam cara seudeukah beuna

Bèk salah guna harta lam donya

 

Tanyoe jak buet seuimbang beuna

Akhirat donya beusama rata

Bèk brat udonya akhirat lupa

Beusama rata beusabé padra

 

Meumada ‘ohnoe lÔn tuléh haba

Caé ulÔn ba keusyèdara dumna

Dipat na salah peumeuah lÔn teuma

LÔn manusia hana sempurna

 

Cot Mentiwan,  Mei 2012

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s