TANDA KIAMAT

Posted on

Karya Mawardi

[sumber: Serambi Indonesia, 22 desember 2012]

Dengön bismillah mulai kalam

Lôn pujoe Tuhan nyang maha kuasa

Rayeuk kuasa nyang peujeut alam

Cit sidroe Tuhan Allah ta’ala

Seulaweut saleum akan janjongan

Geugaséh Tuhan saidil ambia

Pangulè teuma umat Islam

Sabé beusajan tanyoe meudua

 

Assalamualaikôm wahé e rakan

Inöng ngön agam tuha ngön muda

Jinoe trôh haba meumacam ragam

Kiamat ramalan 2012 teuka

 

Umat Muhammad cit ureung Islam

Nyan bh’ah ramalan bèk tapeucaya

Dikafé paléh cit le piasan

Dijak peugoyang iman dum bangsa

 

Lam Alquran kauleuh geujelaskan

Baca hai rakan hadits lom teuma

Masalah kiamat nyan hana ramalan

Bek macam-macam kah kafé cilaka

 

Sideh lam dunia maya sibôk dum rakan

Masalah ramalan kiamat teuka

Leubèh göt tabeut baca Alquran

Mangat jeulas rakan kiamat makna

 

Jinoe lôn tuleh bacut e rakan

Bhah ramalan kiamat teuka

Lôn sanggah bacut ngön hadits lom Quran

Baca hai rakan bèk iman binasa

 

Lam hadits muslim baca hai rakan

Na siplôh macam tanda kiamat teuka

Laju neubaca bek laloe ngön ramalan

Mangat glah haté rijang iman han binasa

 

Tanda yang keuphôn wahé e rakan

Trôh asap dukhan peunyakit nama

Tanda keudua teuma e taulan

Trôh dajeu rakan jiba peusuna

 

Tanda yang keulhèe baca e bintang

Trôh dabbah binatang yang that raya

Bak bukét shafa sinan berbincang

Manusia tanlé meuiman keu Allah Ta’ala

 

Tanda yang keupeut wahé e cut bang

Mata uroe leumah trang röt blah meubeda

Jinoe jiteuka röt jil?p uroenyan

Nyan cit lagèe nyan Allah kuasa

 

Tanda keulimöng rakan lôn sayang

Trôn nabi Isa alaihisalam lam bumoe teuka

Yang keunam tanda kiamat datang

Trôn  ya’juj dan ma’juj rakan peukacoe donya

 

Tanda keutujôh ngön nyang keulapan

Troh gempa taulan timu ngön barat rata

Na cit geumpa bak seumeunanjung Arab nyan

Nyan tanda rakan sikureung nyata

 

Tanda keusiplôh hana tuwoe lôn layang

Keumandum rakan umat seagama

Trôh apui rayeuk jak tôb jalan

dum taulan nyang jak u padang masya

 

Kasep keu ‘ohnoe riwayat lôn tuléh

Ulôn neuk jak éh malam ka jula

Dipat na cidra cae lon tuléh

Neutulông waréh peugah beusigra

 

* Mawardi, mahasiswa FKIP PBSI ’10 Unsyiah. Bergiat di komunitas rampagoe

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s